Dominique Trichet

• Kentelioù violoñ e Kervignag ha Rianteg

Ur mailh eo Dominique Trichet àr ar violoñ hengounel, ha sot eo get sonerezhioù Bro-Iwerzhon, Breizh ha Kebek. Sonet en deus er strolladoù Koun , Gwazigan, ha Rebeaterien asambl get ar sonour violoñ Pierrick Lemou. Hiziv-an-deiz e son er strollad Brian Mc Combe Trio.

Evit ar gomañserion :

• Dizoleiñ ha derc’hel ar benveg
• Pleustriñ get ar waregig
• Deskiñ tonioù dre ar c’han (sonennoù evit ar vugale evit ar re vihan, tonioù d’an dro, laride hag arall evit ar re vras) ha pleustriñ get ar benveg àr-lerc’h.
• Pleustriñ àr ar reizhded, àr ar lusk.

Evit ar re varrek :

• Deskiñ dre selaou. Moiand ‘vo d’ar skolidi deskiñ an tonioù dre selaou, evit dizoleiñ tamm-ha-tamm ar feson-se da zeskiñ. Neuze ne servijay ar skridoù-sonerezh nemet da sikour ar vimoer.
• Pleustriñ àr ar stil hag ar swing, àr an notennoù kinkliñ. Gouiet hiroc’h a-ziàr ar lusk, an harpoù, ar pouezadoù, ar pozerezh, ar begon.
• Dizoleiñ tonioù a vroioù disheñval : Breizh, Iwerzhon, Kebek.