Morwenn Le Normand


  • Atalier kan e Lokmikaelig

photoatelierKanourez emzesket, Morwenn Le Normand he deus en em stummet àr sonerezh Breizh dre soniñ bombard e bagad Porzh-Loeiz, ha tamm-ha-tamm he deus kroget da ganiñ daou-ha-daou get Goulven Peñseg er blezadoù 2000. Dre gejiñ ha kenlabourat get sonerion ag ar Vro (Fred Miossec, Youn Kamm, Dan Ar Braz, Ronan Pinc, Roland Conq, Anne Auffret, ha re arall..) he deus gwellaet he feson da ganiñ dezhi he-unan, ha bourriñ a ra é ranniñ he skiant-prenet get strolladoù bugale pe tud bras.


Dre an atalier-se e vo tu deoc’h dizoleiñ pe addizoleiñ kan hengounel Breizh, dreist-holl keni Bro-Gwened, en ur ober bourrapl.
Hrevez c’hoantoù an dud e vo moaiand ivez dizoleiñ tonioù a vroioù arall, e brezhoneg pe e galleg pe e yezhoù arall. Neuze e vo studiet oc’hpenn sonerezh ag ar vro ur wezh an amzer ma faot deoc’h.
E-kerzh pep abadenn e vo labouret a-ziàr ar feson da blasiñ e vouezh hag e gorf.

Evit tud a bep sort live eo an atalier-se, ha nend eo ket ret gouiet nag ar brezhoneg nag ar solfej, met ret eo bout c’hoant da ganiñ ha d’eskemm get ar re arall evit donet da benn.