Lakaat e anv – Prizioù


Ret eo bout ezel ag ar gevredigezh evit kemer perzh e obererezhioù ar skol sonerezh.

20 euro eo ar skodenn evit un den, ha 25 euro evit ur familh.

Evit an distro-skol e miz Gwenholo 2017,

  • 370 euro e koust ar blezad kentel heniennel
  • 125 euro e koust ar blezad kentel dizoleiñ ar sonerezh a-stroll
  • 125 euro e koust ar blezad kan mod Breizh
  • Digoust eo an obererezhioù a-stroll ( abadennoù sonerezh, festoù-noz, hag arall… )

Kinniget zo ivez ur mod d’en em enskriviñ da 5, 10 pe 20 kentel anvet « karnedad kentelioù ».  Adal ma asanto ar c’helennour, doc’h ma vo dijapl pe ne vo,  hag a-vihanoc’h ma tremeno kentañ  an emezelidi enskrivet d’ar blezad a-bezh, e vo tu d’em enskriviñ er c’harnedad-kentelioù-se.

Krogiñ a ra ar c’hentelioù adal dibenn miz Gwenholo pe penn- kentañ miz Gouel-Mikael, hrevez ar gelennerion.


Penaos lakaat e anv

Da gentañ ema ret deoc’h monet e darempred get ar c’helennour ho peus choazet evit mirout ho kentelioù en a-raok, dre bostel pe dre ar furmskrid-daremprediñ a zo àr e bajenn àr ar lec’hienn-mañ… A-bouez eo, rak nend eus ket moaiand ledanaat implij-amzer ar c’helennour betak re !

Monet a ray ar gelennerion e darempred geneoc’h e penn-kentañ miz Gwenholo evit choaz eurioù ar c’hentelioù. Ret eo kas ar paeamant a-bezh da zeiz ar gentel gentañ d’an diwezhatañ.

Ma faot deoc’h gouiet un dra bennak n’ho peus ket ‘met goulenn get ho kelennour pe get tud ar burev.

Ne ouiit ket pe benveg a vehe ar gwellañ evidoc’h (pe ma vehe gwell kaniñ) ? Dait e darempred geneomp, moaiand ‘zo gober un taol-esae.


Traoù da ouiet (gwelet ar reoliadur a- bezh):

Ho skol sonerezh a zo ur gevredigezh lezenn 1901. Gopret eo ho kelennerion get ar gevredigezh. A-youl vat eo ar sterniñ, burev ar gevredigezh, ha c’hwi a c’hell kemer perzh ennoñ.

E penn-kentañ ar blezad-skol e vez paeet ar skodenn hag ar c’hentelioù. Posibl eo paeiñ get 6 chekenn d’ar muiañ, hag a vo enkefiet adal miz Gouel-Mikael betak miz Meurzh (pa vez paeet e-mod-se ema ret leuniiñ ar chekennoù get sammadoù « ront ».

Pa vez komañset ur blezad ema ret er paeiñ en e bezh.

Lakaet ‘vo ho anv da vat pa vo bet resevet ho paeamant get ar burev ha pa vo bet choazet eurioù ar c’hentelioù get ar c’helennour ha c’hwi.